སྡེ་བའི་འདིའི་ཆང་ཁང་ནང་དུ་ང་རོ་ལངས་ཆང་གིས་བཟི་འདུག ཁོ་ར་བཟི་སྐབས་སྡེ་འདབས་ཀྱི་དུར་ཁྲོད་ནང་དུ་སྙན་ངག་ཁ་ཤས་བྲིས་འདུག་ཟེར། ཡིན་ནའང༌། འདི་ནི་སྡུག་ཡུས་ཀྱི་འབོད་པ་ཞིག་རེད་ཅེས་ཁོའི་གྲོགས་པོ་ང་དུར་ཁྲོད་ཀྱིས་གླེང་བཞིན་འདུག ཡོད་ཚད་ཀྱི་འགྱུར་བ་འདི་ནི་རང་དབང་གི་ལྷ་མོ་འབོད་པའི་གསང་གཞན་ཁ་ཤས་རེད། མདོར་བསྡུས་ན་ཁོ་བཙོན་ཁང་ནང་དུ་ལྷུང་འདྲའི་ན་ཟུག་ཅིག་ཁྲག་གི་རྒྱུ་ལམ་དུབཞུར་་བཞིན་ཡོད་པ་འདྲ། ཁོའི་གྲོགས་པོ་ཚོས་ཁོ་ལ་ཆང་མ་འཐུང་ཟེར་མོད་དེ་ནི་རྣ་རྒྱབ་ཀྱི་རླུང་དང་གཅིག་མཚུངས་ཡིན་ཞེས་ཁོས་ང་དུར་ཁྲོད་ལ་གླེང་འདུག སྡེ་བ་འདིའི་རྒན་དར་གཞོན་གསུམ་གྱིས་ཁོ་དང་ང་དུར་ཁྲོད་གཉིས་མི་གྲལ་ནས་ཕུད་སོང་ན་ཡང་ཁོ་གཉིས་ཚོར་བ་མེད་པའི་སྡོང་དུམ་ཞིག་དང་མཚུངས། ད་ནངས་སྔ་དྲོ་འོད་ཀྱི་འགྱུར་བ་དང་ལྷན་ང་རོ་ལངས་ཀྱིས་ང་དུར་ཁྲོད་ལ་གློག་འཕྲིན་ཞིག་བསྐུར་འདུག་པའི་ནང་ཁོ་བོ་ལ་རང་དབང་མེད་ཚུལ་དང༌། ཁྱེད་རང་ཡང་ལམ་ལོག་ཏུ་བསྐྱོད་བཞིན་པ་འཚམས་འཇོག་བྱས་ཏེ་གནམ་འོག་གི་བཀྲ་མཚོ་ཐེངས་གཅིག་ལྟ་རུ་འགྲོ་རོགས་ཞེས་བཀོད་འདུག ཉིན་གུང་ཆུ་ཚོད་༡༢སྐར་མ་༡བོའི་ཐོག་རླུང་ཡོར་དང་ཆབ་རྒྱུན་སོགས་ཀྱིས་ང་རོ་ལངས་འཚོལ་བཞིན་ཡོད། འདི་ནི་ང་རོ་ལངས་རང་དབང་གི་ཆེད་དུ་ཆང་ཁང་ནང་དུ་སོང་བའི་ཉིན་གསུམ་པ་ཡིན་ལ། ང་དུར་ཁྲོད་དང་གྲོགས་པོ་བསྒྲིགས་པའི་ལོ་ལྔ་བ་དེ་ཡང་རེད། བསྟུན་མར་དོན་རྐྱེན་ཐེངས་ཁ་ཤས་བྱུང་རྗེས་སྡེ་བ་འདིའི་ཉེ་འཁོར་ཀུན་ཏུ་རླུང་ལྟར་གྲགས་བཞིན་པ་ནི་ང་རོ་ལངས་དང་ང་དུར་ཁྲོད་གཉིས་ཀྱིས་མི་གསུམ་བསད་སོང་ཟེར། ཐོག་མར་གཏམ་འདིའི་འབྱུང་ཁུངས་ནི་ཡེ་ཤེས་བཟང་བོ་རེད། འདི་བདེན་པ་ཡིན་མིན་མ་ཤེས་ཀྱང་གང་ལྟར་ང་རོ་ལངས་དང་ང་དུར་ཁྲོད་གཉིས་སྡེ་བ་འདིའི་ནང་དུ་ཡོང་ས་ཡོད་པ་མ་རེད། གཏམ་རྒྱུད་དེ་འདི་ནས་འགོ་བརྩམས་ཤིང་བཞུར་བཞིན་ཡོད་པ་རེད། ད་དུང་ཡང་་་་་་་་་་
ཟིན བྲིས སྤེལ་མཁན། ང་དུར་ཁྲོད། འདོན་སྤེལ། 10:30 PM 1 བསམ་འཆར་འདོན་པ།
Saturday, September 13, 2008

སེམས་ཀྱི་ཁེན་ས།
མུ་མེད་འཁོར་བའི་གནས་ཚང་སྐྱ་བོ།།ལན་ཅིག་མགྲོན་ལ་འབྱོར་བའི་མི་རྐྱང༌།།རྟེན་འབྱུང་ཟབ་མོས་གཅིག་ཏུ་བསྡུས་པར།།སྐྱོ་གདུང་མཆི་མས་ཁ་བྱང་བྲིས་ཐལ།།ཨ་ཐང་ཆད་པའི་མི་ཚེའི་བཤུལ་ལམ།།རིང་བར་བསམ་པ་འཁྲུལ་བའི་གཞི་རྩ།།སྐད་ཅིག་ཙམ་གྱིས་ཕྱོགས་སུ་འཁྱར་དུས།།མནོག་ཆུང་སེམས་ཀྱི་ཁེན་ས་དྲན་བྱུང༌།།ཆུང་ཆུང་ལུས་སེམས་བརྩེ་བས་བསྐྱངས་ཏེ།།དགའ་བའི་གཏམ་གྱིས་ངོ་སོ་བསྟོད་པའི།།བཅོ་ལྔའི་སྔོན་གྱི་ཕ་མའི་དུངས་ཀ།དེ་རིང་དྲན་ན་ལྷག་ཏུ་སྐྱོ་བ།།བྲལ་བའི་རྗེས་ཀྱི་དྲན་པའི་རི་མོ།།སྐྲ་ལོ་ཁ་བས་ཟོས་པ་འདིས་མཚོན།།མཚོན་དུ་མེད་པ་སེམས་ཀྱི་ན་ཟུག།བླུན་པོ་དགའ་བའི་གཏམ་དུ་མི་སྐྱུར།།ཐོབ་དཀའི་མི་ཚེའི་ལག་ཡོང་གཅིག་བུ།།བརྗེད་དུ་མེད་པའི་དང་བོའི་འཚོ་བ།།ལུས་སེམས་སྒྱུ་མའི་སྣང་བ་ཞིག་ཚེ།།མི་ཡུལ་ཁམས་འདིར་ཤུལ་དུ་བསྐྱུར་ཆོག།འཛོམས་པའི་མཐའ་དེ་འབྲལ་བས་བསུབ་ཏེ།།བར་ཐག་མིག་ཆུས་མཚོ་ཡིས་བཅད་ཀྱང༌།།རང་ཡུལ་འབའ་ཆུ་སྔོན་མོའི་ཕྱོགས་ལ།།གཉེན་ཉེའི་དུངས་ཀ་ཆོད་ཐབས་མི་འདུག།ཡུན་རིང་མ་སྟོར་སེམས་ཀྱི་ཁེན་ས།།ད་དུང་མི་འབོར་མི་ཚེའི་སྙིང་བོ།།ནམ་ཞིག་འབའ་ཡུལ་ལུ་གུའི་རྩེད་རར།།འཁོར་མེད་དྲིན་ལན་ཅན་དེར་འཕྲད་ན།།མ་བཅོས་སེམས་ཀྱི་གཏམ་གྱི་ཕྲེང་བ།།དྲན་གདུང་མཆི་མའི་སྐུད་པར་བརྒྱུས་ཏེ།།ཡུན་རིང་བོར་བའི་བུ་ལ་འཕྲད་པའི།།བྱམས་སེམས་ཅན་དེའི་སྙན་དུ་འབུལ་ལོ།།འདོན་སྤེལ།: ༢༠༠༨/༠༩/༡༢
ཟིན བྲིས སྤེལ་མཁན། ང་དུར་ཁྲོད། འདོན་སྤེལ། 3:16 AM 3 བསམ་འཆར་འདོན་པ།
Subscribe to: Posts (Atom)
བདག་པོ་ང་དུར་ཁྲོད།
མ་ཤི་བའི་སྔ་རོལ་དུ།

My Blog List

ཆང་ཁང་ནག་པོའི་གླུ།
སུ ཞིག་གི་རྨི་ལམ་ལྟ་བུའི་འཚོ་བ་འདི།
1 week ago

Subscribe To
Posts
Atom
Posts
All Comments
Atom
All Comments

Webmaster Search Engine

Quick Blog

མཛེས་མའི་འཇོ་སྒེག་གི་བྲོ་བ།

ཟིན་བྲིས་ཚོགས་པ། (1)
Follow this blog
Stop following

1 Follower View All Manage

མཛངས་མ་ཚེ་རིང་སྐྱིད།


དགེ་ཆོས་ཀྱི་དུར་ས།
ཤིས་ཚང་བའི་ཟིན་བྲིས།
གནམ་འོག་གི་བཀྲ་མཚོ།

ཉི་འོད་དང་རང་བྱུང་་གི་རྣམ་པ།

ཉི་མ་ལྷ་ས་དང་དེའི་ཉེ་འཁོར་གྱི་བྱ་ཚང་།

འདས་པོ་སྟག་འཚེར་ཚང ་།
འོད་སྣང་ནུབ་སོང་།

དུར་ཁྲོད་ཀྱི་ཁྱིམ་དང་རོ་ལངས་ཚང །
དུར་ཁྲོད་ཚང གླུ་བ་མར་འགྲོ་ཞིག་གི་ན་ཟུག་ཡིན དུས་དབང་གི་ཆུང་མ་དེར་ཐུག་མེད་ན ཁྱོད་སུ་ཚང་གི་ཇག་པ་ཡིན་སྲིད

དུས་ཀྱི་འཁོར་འགྲོས།


བྱ་བརྒྱ་འཕུར་ཤུལ་གྱི་མགྲོན་པོ།
རྫོགས་མེད་ལུས་ཀྱི་མྱངས་བྱར་ཕ་མཐའ་མེད་པས།།བྱེ་མའི་འཇིག་རྟེན་འདི་ནས་སྤོབས་པ་རྙེད་བྱུང་།།ཚེ་ཡི་རི་མོ་རྙིང་ནས་ཡལ་རག་བར་དུ།།བདག་གི་ཚོར་སྣང་གླུ་ཡི་སྐད་ལ་འཐིམས་སོང་།།¡¡བཟི་ཁས་རྨི་ལམ་མྱངས་པའི་མི་ཆེན་དེ་ཚོ།།ནམ་མཁའི་བྱ་ཆེན་དག་གི་སྐྱེ་བ་ཡིན་འདུག།སྲོད་ཀྱི་གྲིབ་ནག་འགུལ་བའི་གཟུགས་ལ་བལྟས་ནས།།མཁའ་ཡི་སྤྲིན་པ་གཤགས་ནས་འཕུར་ཚུལ་སྔ་སོང་།།¡¡བཙན་གྱི་འཛུལ་ཞལ་སྟོན་པའི་རི་ཁའི་མི་ལ།།གསར་འབྱོར་གླུ་བ་ཞིག་གི་མགྲིན་པ་བཏེགས་ཡོད།།རྒས་མེད་དུངས་སྣང་ཞིག་གི་དྲན་ཤིང་བར་ནས།།སླར་ཡང་བརྩེ་བའི་གནའ་གཏམ་འཆད་ལ་ཉན་ཡོད།།¡¡སྲོག་གི་དབྱངས་རྟ་ཡོད་པའི་ཕོ་བྲང་ཞུགས་ཚེ།།སྐྲ་ཡི་སྐུད་པ་ཆད་པའི་བར་ཆད་བྱུང་ནས།།ཉི་མའི་འཁར་བར་ཁེན་པའི་རྨི་ལམ་རེ་རེ།།འདི་ལྟར་མཇལ་འཛོམས་ཞིང་གི་མིག་ཆུ་ཡིན་འགྲོ།།¡¡སྐྲ་ལོ་མི་ཁས་ཁུར་བའི་གླུ་བ་རེ་རེ།།ལམ་ཁའི་གྲོང་ཚོ་ཞིག་གི་མགྲོན་པོ་ཡིན་པས།།ཕུགས་བསམ་ཀ་ཁའི་རྣམ་ཤེས་ཇི་སྲིད་གསོན་ན།།ཚིག་གི་གྲོང་ཁྱེར་བསྐྲུན་ལ་ང་རང་ཤི་མེད།།རྩོམ་པ་པོ། འཁྱམས་པོ་གངས་རིའི་འོད་ཟེར། ལྷོ་ཕྱོགས

སྨད་འཚོང་མའི་ཁྱིམ།

ཆང་ཁང་ནག་པོའི་གླུ།
སུ ཞིག་གི་རྨི་ལམ་ལྟ་བུའི་འཚོ་བ་འདི།
1 week ago

སྒོ་ཁྱི།
ཀླུ་བསམ་བློ་བ།

ངའི་ཕ་ཡུལ་གྱི་མི།
ཀླུ་བསམ་བློ་བ།

པོད་ཁུག་གི་སྡེ་ཚན་ཕྱོགས་བསྒྲིགས།
▼ 2008 (9)
▼ September (6)
སེམས་ཀྱི་ཁེན་ས།
རང་དབང་མེད་པའི་འཇིག་རྟེན་དང་དེའི་ཁ་དོག
བསམ་གཞིག་བསྐྱར་མ།
ཅིས་ཀྱང་གཉིད་དགོས།
གདན་ས་ཁག་གིས་དུས་རབས་ལ་ངོ་རྒོལ་བྱེད་ཀྱིན་འདུག
ཆང་ཁང་ནག་པོའི་གླུ།
► October (3)
དུས་དང་སྐབས་ད་དུང་དྲིན་ལན་ཅན་གྱི་མི་མང་པོས་གཟུགས་མ...
མཆོག་གྲབ་ལ་ཕུལ།
སུ ཞིག་གི་རྨི་ལམ་ལྟ་བུའི་འཚོ་བ་འདི།

དྲན་སླ་བའི་ཁྱོད། བརྗེད་དཀའ་བའི་ཁྱོད།

ང་དུར་ཁྲོད།
ཡོད་ཚད་ཁྱེད་ཀྱི་ཆེད་དུ་ཡིན་ཟེར་འདོད། རྒྱུ་མཚན་གང་ཡང་མེད་པའི་བརྩེ་དུང་གི་ང་དུར་ཁྲོད་ཀྱི་ཁྱིམ་ལ་ཤོག་དང ། ཁྱོད་དེའི་བདག་མོ་ངོ་མ་དེ་ཡིན། View my complete profile

སྦྱིན་པ།


བོད་ཀྱི་བུ་མོ།


སྤུན་ཟླ།


ཕྱིུར་ཕྱོགས་པ།